આઈસીએઆઈ સીએનું ફાઈનલ પરિણામ ગઈકાલે રાત્રે જાહેર થઈ ગયું છે. ઈન્સ્ટિટ્યૂટ ઑફ ચાર્ટર્ડ એકાઉન્ટન્ટ્સ ઑફ ઇન્ડિયા (ICAI) દ્વારા યોજાયેલી ચાર્ટર્ડ એકાઉન્ટ (CA)ની ફાઈનલ પરીક્ષામાં બે વિદ્યાર્થીઓ અને બે વિદ્યાર્થીનીઓએ ટોચના ત્રણ રેન્ક મેળવ્યા છે.
ટોપ 50માં ગુજરાતના ચાર વિદ્યાર્થીએ સ્થાન મેળવ્યું છે. . હૈદરાબાદના હેરાંબ મહેશ્વરી અને તિરૂપતિના રિષભે ઓસ્વાલે સંયુક્તરૂપે 508 માર્ક્સ સાથે પ્રથમ ક્રમાંક મેળવ્યો છે. અમદાવાદની રિયા શાહે 501 માર્ક્સ સાથે બીજો નંબર મેળવ્યો છે. જ્યારે ત્રીજા સ્થાને આવેલી કોલકાતાની કિંજલ અજમેરાએ 493 માર્ક્સ મેળવ્યા છે. આ ઉપરાંત વડોદરાના વડોદરાના નૈષદ વૈદ્યએ ઓલ ઇન્ડિયા નવમો રેન્ક મેળવ્યો છે. સુરતના કૃષ્ણા રાઉતે ઓલ ઇન્ડિયા 36મો રેન્ક મેળવ્યો છે. આ ઉપરાંત વડોદરાની પ્રિયંકા શાહે ઓલ ઇન્ડિયા 47મો રેન્ક મેળવ્યો છે. જ્યારે સ્ટમક કેન્સરથી પરીક્ષાના બે મહિના પહેલાં પિતાને ગુમાવનાર અને સરકારી સ્કૂલમાં અભ્યાસ કરનાર પ્રશાંત શેટ્ટીએ પણ સીએ ફાઈનલની પરીક્ષા ફર્સ્ટ અટેમ્પ્ટમાં પાસ કરી છે.
હૈદરાબાદના હેરાંબ મહેશ્વરી અને તિરુપતિના ઓસ્વાલે સંયુક્ત રીતે 508 માર્ક્સ (84.67%) મેળવી પ્રથમ ક્રમાંક મેળવ્યો છે. જ્યારે રિયા કુંજનકુમાર શાહે 501 માર્ક્સ (83.5%) મેળવી બીજા ક્રમાંકે આવી છે. તેમજ કોલકાતાની કિંજલ અજમેરાએ 493 માર્ક્સ (82.17%) સાથે ચોથા ક્રમે આવી છે.
વડોદરાના જે બે વિદ્યાર્થીઓએ ટોપ-50માં સ્થાન મેળવ્યું છે, તેમાં માંજલપુર વિસ્તારમાં રહેતા નૈષધ વૈદ્યે દેશમાં 9મો અને નવાબજાર વિસ્તારમાં રહેતી પ્રિયંકા શાહે 47મો ક્રમાંક પ્રાપ્ત કર્યો છે. વડોદરા ચેપ્ટરના 675 વિદ્યાર્થીઓએ અલગ-અલગ ગ્રૂપની અથવા તો એક સાથે બે ગ્રૂપની પરીક્ષા આપી હતી અને કુલ 18.67 ટકા વિદ્યાર્થીઓ પરીક્ષા પાસ કરવામાં સફળ રહ્યા છે. તેમાં પણ એક સાથે બંને ગ્રૂપની પરીક્ષા આપનારા 305માંથી 36 વિદ્યાર્થીઓ પાસ થયા છે. આ વર્ષે પરિણામ ઉંચું આવ્યું હોવાથી વડોદરામાંથી 70 કરતા વધારે વિદ્યાર્થીઓને સીએની ડિગ્રી મળી હોવાનો અંદાજ છે.
દરરોજ 10થી 12 કલાકની મહેનતે રંગ લાવ્યો: રિયા શાહ
દેશમાં સૌથી વધુ મુશ્કેલ પરીક્ષાઓમાંની એક એટલે કે ચાર્ટર્ડ એકાઉન્ટન્ટ બનવા માટેની ફાઈનલ પરીક્ષાના પરિણામમાં ઓલ ઇન્ડિયા બીજો રેન્ક મેળવનાર રિયા શાહે જણાવ્યું હતું કે તે ઘણા સમયથી સીએ બનવાનું વિચારી રહી હતી. આ માટે તેણે સખત મહેનત પણ કરી હતી. રિયા દરરોજ 24 કલાકમાંથી 10થી 12 કલાક વાંચન અને પ્રેક્ટિસ પાછળ આપતી હતી. આ ઉપરાંત સોશિયલ મીડિયાનો ઉપયોગ કરવાનું પણ તેને ઓછું પસંદ હતું. રિયાના પિતા કુંજન શાહ અમદાવાદ મ્યુનિસિપલ કોર્પોરેશનના કર્મચારી છે.
આઇસીએઆઇના પ્રમુખ સી. એ. રણજીત કુમાર અગ્રવાલે ભારતની સૌથી અઘરી પરીક્ષાઓ પાસ કરનારા તમામ વિદ્યાર્થીઓને અભિનંદન પાઠવ્યા છે. આ વર્ષે 31,946થી વધુ વિદ્યાર્થીઓએ સફળતાપૂર્વક CA ફાઇનલ પરીક્ષા પાસ કરી છે. જ્યારે નોંધપાત્ર 11,500 વિદ્યાર્થીઓ ચાર્ટર્ડ એકાઉન્ટન્ટ બન્યા છે.
પાસિંગ રેટ વધ્યું
ગ્રૂપ 1 – 66,987 ઉમેદવારોએ પરીક્ષા આપી, 11,253 પાસ (16.8 ટકા) થયા
ગ્રૂપ 2 – 49,459 ઉમેદવારોએ પરીક્ષા આપી, 10,566 પાસ (21.36 ટકા) થયા
ગ્રૂપ-3 – 30,763 ઉમેદવારોએ પરીક્ષા આપી, 4,134 પાસ (13.44 ટકા) થયા
