સ્પીડમાં કાર ચલાવવા અને સરકારી મિલકતને નુકસાન કરવા બદલ ટ્રાફિક પોલીસે એસપી સ્વામી વિરુદ્ધ ગુનો દાખલ કરીને તેમની ધરપકડ કરી હતી. જો કે બપોર બાદ તેમને જામીન પર મુક્ત રવામાં આવ્યા હતા.
ગઢડાના એસપી સ્વામીથી અમદાવાદના એસજી હાઇવે પર અકસ્માત સર્જાયો છે. વહેલી સવારે એસજી હાઇવે ઉપર થલતેજ પાસે અકસ્માત થયો છે. અકસ્માતમાં કાર થલતેજના ટ્રાફિક પોલીસ બૂથમાં જ સીધી ઘુસી ગઈ હતી. આ ઘટનામાં કાર અન્ય કોઈ નહીં પરંતુ એસપી સ્વામી જાતે જ ચલાવી રહ્યા હતા. ઘટનામાં કારની ટક્કરથી આખું ટ્રાફિક બુથ તૂટી પડ્યું હતું. પોલીસે આ મામલે SP સ્વામી સામે ફરિયાદ નોંધી છે.
અમદાવાદના એસ.જી હાઈવે પર અકસ્માતનો બનાવ સામે આવ્યો છે. ગઢડાના એસપી સ્વામી વહેલી સવારે અમદાવાદના એસજી હાઇવે પર કાર ચલાવીને જઇ રહ્યા હતા.તેઓ થલતેજ પાસેથી પસાર થતા હતા, ત્યારે અચાનક જ તેમણે સ્ટીયરિંગ પરથી કાબૂ ગુમાવતા તેમની કાર ટ્રાફિક પોલીસ બૂથ સાથે અથડાઇ હતી. જો કે સદ્દનસીબે આ સમયે ટ્રાફિક બૂથમાં કોઈ કર્મચારી હાજર નહીં હોવાથી જાનહાનિ ટળી હતી. જો કે ટ્રાફિક બૂથને તેમજ કારના આગળના ભાગને નુક્સાન પહોંચ્યું હતુ.
મળતી માહિતી પ્રમાણે એસ પી સ્વામી પૂરપાટ કાર ચલાવી રહ્યા હતા, અચાનક જ કાર ટ્રાફિક બુથ સાથે અથડાતા તે તૂટી પડ્યુ હતુ. જો કે સદનસબીબે આ ઘટનામાં કોઇપણ જાનહાની થઇ નથી. જો કે સ્પીડમાં કાર ચલાવવા અને સરકારી મિલકતને નુકસાન કરવા બદલ ટ્રાફિક પોલીસે એસપી સ્વામી વિરુદ્ધ IPCની 279, 427 તેમજ મોટર વ્હીકલ એક્ટની 177, 184 અને પબ્લિક પ્રોપર્ટી ડેમેજ એક્ટની કલમ 3-7 હેઠળ ગુનો દાખલ કરીને તેમની ધરપકડ કરી હતી. જો કે બપોર બાદ તેમને જામીન પર મુક્ત રવામાં આવ્યા હતા.
એસપી સ્વામી વારંવાર વિવાદોમાં આવતા હોય છે. એસપી સ્વામી ગઢડા ગોપીનાથજી મંદિરના આચાર્ય પક્ષના પૂર્વ ચેરમેન રહી ચુક્યા છે.જો કે દેવ પક્ષ સાથે નોકજોક રહેતી હોય છે. ત્યારે હવે તેઓ અકસ્માતને લઇને ચર્ચામાં આવ્યા છે. આજે સવારે 9.30થી 10 કલાકની આસપાસ એસજી હાઇવે પર ઇનોવા કાર લઇને પસાર થઇ રહ્યા હતા.તેઓ એકલા જ કાર ચલાવીને જઇ રહ્યા હતા. થલતેજ પાસે કાર પહોંચતા તેઓએ જમણી બાજુ ટર્ન લીધો હતો.જો કે કાર સ્પીડમાં હોવાથી કાર સીધી જ જમણી બાજુના ટ્રાફિક બુથ સાથે અથડાઇ હતી.
એસ.પી.સ્વામી બોટાદ જિલ્લાના ગોપીનાથજી મંદિરના પૂર્વ ચેરમેન છે. આ કાર એસપી સ્વામી ખુદ ચલાવી રહ્યા હતા. તેઓ થલતેજ તરફ જઇ રહ્યા હતા. મેટ્રોનો પિલર આવતો હતો, ત્યારે જમણી બાજુએ વળતા જ કાર ટ્રાફિક બુથ સાથે અથડાઇ ગઇ હતી. આ ઘટનામાં ટ્રાફિક બુથને નુકસાન થયુ હતુ. જેથી પોલીસે એસપી સ્વામી સામે ગુનો નોંધ્યો છે.
