કોમેડિયન કપિલ શર્માના કેનેડા સ્થિત રેસ્ટોરન્ટ કેપ્સ કાફે પર બે વાર ગોળીબાર કરવામાં આવ્યો છે. આ મામલે એક મોટી માહિતી સામે આવી છે. કપિલ શર્માના કેપ્સ કાફેમાં ગોળીબાર ગેંગસ્ટર લોરેન્સ બિશ્નોઈ ગેંગ દ્વારા કરવામાં આવ્યો હતો. સલમાન ખાન સાથે નજીકના સંબંધ હોવાથી કપિલ શર્મા માટે જીવલેણ પરિસ્થિતિ બની ગઈ છે.
જે પણ સલમાન સાથે કામ કરશે તે મરી જશે
લૉરેન્સ ગ્રૂપના ગેંગસ્ટર હેરી બોક્સરનો ઓડિયો સામે આવ્યો છે. જેમાં દાવો કરવામાં આવ્યો છે કે કોમેડિયને નેટફ્લિક્સ શો ‘ધ ગ્રેટ ઇન્ડિયન કપિલ શો’ સીઝન 2 ના પહેલા એપિસોડમાં સલમાનને આમંત્રણ આપ્યું હતું. કપિલના શોમાં મહેમાન તરીકે સલમાન ખાનને આમંત્રણ આપવાથી બિશ્નોઈ ગેંગ નારાજ છે. આનો બદલો લેવા માટે કપિલના કેફેમાં ગોળીબાર કર્યો હતો. ઓડિયોમાં તેણે ધમકી આપી છે કે- ‘જે પણ સલમાન સાથે કામ કરશે તે મરી જશે.’
કપિલ અને બોલિવૂડને ધમકી મળી
ઓડિયોમાં, હેરી બોક્સર સમગ્ર ઉદ્યોગને ધમકી આપે છે અને કહે છે, “આ ગોળીબાર પહેલા કપિલ શર્માના રેસ્ટોરન્ટમાં થયો હતો, તેણે સલમાન ખાનને નેક્સ્ટફ્લિક્સ શોના ઉદ્ઘાટન માટે આમંત્રણ આપ્યું હતું. જો કોઈ દિગ્દર્શક, નિર્માતા, કલાકાર તેમને ચેતવણી નહીં આપે તો ગોળી સીધી તેમની છાતી પર વાગશે. મુંબઈમાં, બધાને ચેતવણી આપવામાં આવે છે, અમે મુંબઈનું વાતાવરણ એટલું બગાડીશું કે તમે લોકોએ તમારા જીવનમાં વિચાર્યું પણ નહીં હોય.”
જો કોઈ સલમાન સાથે કામ કરશે, પછી ભલે તે નાનો અભિનેતા હોય કે નાનો દિગ્દર્શક, અમે કોઈને પણ છોડીશું નહીં. અમે તેને મારી નાખીશું. અમે તેને મારવા માટે કોઈપણ હદ સુધી જઈશું. જો કોઈ સલમાન ખાન સાથે કામ કરશે, તે પોતાના મૃત્યુ માટે પોતે જ જવાબદાર રહેશે.”
