ડી ગુકેશ સામે હાર્યા બાદ ભૂતપૂર્વ વર્લ્ડ ચેમ્પિયન મેગ્નસ કાર્લસન પોતાના ગુસ્સા પર કાબુ રાખી શક્યો નહીં અને મેચ પૂરી થતાં જ તેણે ગુસ્સામાં ચેસ બ્લોક પર મુક્કો માર્યો હતોય
વર્લ્ડ ચેમ્પિયન ડી ગુકેશ (વર્લ્ડ નંબર 5)એ ઐતિહાસિક જીત નોંધાવી. નોર્વે ચેસ ટુર્નામેન્ટ 2025 ના છઠ્ઠા રાઉન્ડમાં તેણે ક્લા વર્લ્ડ નંબર 1 મેગ્નસ કાર્લસનને હરાવ્યો. ક્લાસિકલ ચેસમાં કાર્લસન સામે ગુકેશની આ પહેલી જીત છે. આ હારથી ગુસ્સે થઈને કાર્લસને ગુસ્સામાં ચેસ બોર્ડ પર મુક્કો માર્યો. આનાથી બધાને આશ્ચર્ય થયું.
આપને જણાવી દઈએ કે ડી ગુકેશ સામે હાર્યા બાદ ભૂતપૂર્વ વર્લ્ડ ચેમ્પિયન મેગ્નસ કાર્લસન પોતાના ગુસ્સા પર કાબુ રાખી શક્યો નહીં અને મેચ પૂરી થતાં જ તેણે ગુસ્સામાં ચેસ બ્લોક પર મુક્કો માર્યો હતો, જેના કારણે ટુકડાઓ વિખેરાઈ ગયા. જોકે તેને ટૂંક સમયમાં જ તેની ભૂલનો અહેસાસ થયો. તેણે તરત જ ગુકેશની માફી માંગી અને ગુકેશને વિજય બદલ તેની પીઠ થપથપાવી અભિનંદન આપ્યા. આ પછી તેણે મીડિયા સાથે વાત કરી નહીં અને ચાલ્યો ગયો.
ગુકેશ ડી ની ઉજવણી
પોતાની જીત પછી પણ ગુકેશે કોઈ આક્રમકતા દર્શાવી નહીં, તે કાર્લસન સાથે હાથ મિલાવીને શાંતિથી પોતાની સીટ પરથી ઊભો થયો અને એક જગ્યાએ હાથ મોં પર દબાવીને ઊભો રહ્યો. જાણે કે તે પોતે માની ન શકે કે તેણે તે કર્યું છે, તેણે ભૂતપૂર્વ નંબર-1 મેગ્નસ કાર્લસનને હરાવ્યો છે.
આ જીત સાથે, 19 વર્ષીય ગુકેશ નોર્વે ચેસ 2025 ના પોઈન્ટ ટેબલમાં 8.5 પોઈન્ટ સાથે ત્રીજા સ્થાને પહોંચી ગયો છે, જ્યારે કાર્લસન અને અમેરિકન ગ્રાન્ડમાસ્ટર ફેબિયાનો કારુઆના 9.5 પોઈન્ટ સાથે સંયુક્ત રીતે પ્રથમ સ્થાને છે.
ગુકેશ ડીએ શાનદાર વાપસી કરી
ટુર્નામેન્ટનો પહેલો રાઉન્ડ આ બંને વચ્ચે રમાયો હતો. ડી ગુકેશ પહેલા રાઉન્ડમાં કાર્લસન સામે હારી ગયો હતો. કાર્લસને જીત પછી એક પોસ્ટ કરી હતી, જેમાં તેણે લખ્યું હતું કે ‘જ્યારે તમે રાજા સામે રમો છો, ત્યારે તમારે કોઈ ભૂલ ન કરવી જોઈએ.’ કદાચ તે આ પોસ્ટ દ્વારા કહેવા માંગતો હતો કે તેને હરાવવું ખૂબ જ મુશ્કેલ છે, પરંતુ ગુકેશે પોતાની રમતથી જ કાર્લસની આ પોસ્ટનો યોગ્ય જવાબ આપ્યો.
કાર્લસને ગુકેશની રમત પર સવાલ ઉઠાવ્યા હતા. અગાઉ, ગુકેશ વર્લ્ડ ચેમ્પિયન બન્યા બાદ, કાર્લસને કહ્યું હતું કે, “હું વર્લ્ડ ચેમ્પિયનશિપમાં રમતો નથી. ત્યાં મને હરાવી શકે તેવું કોઈ નથી.”
જવાબમાં, ગુકેશે કહ્યું હતું કે, “જો મને તક મળશે, તો હું તેની સામે શતરંજ પર મારી જાતને ચકાસીશ.”
સમગ્ર રમત દરમિયાન ગુકેશે ધીરજ અને શિસ્ત જાળવી રાખી હતી. તેણે ઇન્ક્રીમેન્ટ ટાઇમ કંટ્રોલમાં વાપસી કરી, જ્યારે આ પહેલા કાર્લસને મોટાભાગે લીડ જાળવી રાખી હતી. ગુકેશે કાર્લસનની ભૂલનો ફાયદો ઉઠાવ્યો અને ટેબલ ફેરવી દીધું. છેલ્લા રાઉન્ડમાં ગુકેશે કાઉન્ટર એટેક કરીને જીત મેળવી લીધી હતી.
ચેસના ફોર્મેટ: ક્લાસિકલ, રેપિડ અને બ્લિટ્ઝ ચેસના ફોર્મેટ છે. ક્લાસિકલ ગેમમાં ખેલાડીઓને વિચારવા અને વ્યૂહરચના બનાવવા માટે સૌથી વધુ સમય આપવામાં આવે છે. આને ચેસનું સૌથી પરંપરાગત અને ગંભીર ફોર્મેટ માનવામાં આવે છે. આમાં, દરેક ખેલાડીને સામાન્ય રીતે 90 થી 120 મિનિટ મળે છે, અને ઘણીવાર 40 ચાલ પછી વધારાનો સમય મળે છે. બીજી બાજુ, રેપિડમાં, 60 મિનિટથી ઓછો સમય આપવામાં આવે છે અને બ્લિટ્ઝમાં, 10 મિનિટ કે તેથી ઓછો સમય આપવામાં આવે છે.
