ભારતના નાગરિક ઉડ્ડયન સુરક્ષા બ્યુરોએ તાત્કાલિક અસરથી સેલેબી એરપોર્ટ સર્વિસિસ ઈન્ડિયા પ્રાઈવેટ લિમિટેડની સુરક્ષા મંજૂરી રદ કરી દીધી છે. સેલેબી એક તુર્કી કંપની છે જે દિલ્હી, મુંબઈ, અમદાવાદ, બેંગલુરુ, હૈદરાબાદ, કોચીન, ગોવા (મોપા), કન્નુર અને ચેન્નાઈ જેવા દેશના મુખ્ય એરપોર્ટ પર કાર્યરત છે.
ભારત વિરુદ્ધ સૈન્ય કાર્યવાહીમાં પાકિસ્તાનને મદદ કરી રહેલા તુર્કી વિરુદ્ધ મોદી સરકાર સતત કાર્યવાહી કરી રહી છે. શુક્રવારે, બ્યુરો ઓફ સિવિલ એવિએશન સિક્યુરિટી (BoCA)એ સેલેબી એરપોર્ટ સર્વિસીસ ઈન્ડિયા પ્રાઈવેટ લિમિટેડની સુરક્ષા મંજૂરી તાત્કાલિક અસરથી રદ કરી દીધી છે. સરકારે માહિતી આપી કે આ નિર્ણય રાષ્ટ્રીય સુરક્ષાના હિતમાં લેવામાં આવ્યો છે.
સેલેબી એરપોર્ટ સર્વિસીસ એ એક તુર્કી કંપની છે જે ભારતમાં ગ્રાઉન્ડ હેન્ડલિંગ સેવાઓ પૂરી પાડે છે. આ કંપની અમદાવાદ, મુંબઈ, દિલ્હી, બેંગ્લુરુ, હૈદરાબાદ સહિત ઘણા મોટા એરપોર્ટ પર બેગેજ હેન્ડલિંગ, રેમ્પ સર્વિસ, કાર્ગો હેન્ડલિંગ જેવી સેવાઓ પૂરી પાડી રહી છે.
સેલેબી એવિએશન ભારતીય એરપોર્ટ પર ગ્રાઉન્ડ હેન્ડલિંગ, કાર્ગો મેનેજમેન્ટ અને એરસાઇડ કામગીરીમાં રોકાયેલું છે. આ કંપનીના કર્મચારીઓ એરસાઇડ ઝોનમાં કામ કરે છે, જે એરપોર્ટના ઉચ્ચ-સુરક્ષાવાળા વિસ્તારો છે જે વિમાનના સીધા સંપર્કમાં આવે છે. સેલેબીના સ્ટાફ એરપોર્ટ પર કાર્ગો લોજિસ્ટિક્સ અને મુસાફરોના સામાનનું પણ સંચાલન કરે છે.
BoCA એ સ્પષ્ટપણે જણાવ્યું હતું કે આ પગલું રાષ્ટ્રીય સુરક્ષાને ધ્યાનમાં રાખીને લેવામાં આવ્યું છે. જોકે સુરક્ષા સંબંધિત સંવેદનશીલ માહિતી જાહેર કરવામાં આવી નથી.
સેલેબી હવે ભારતના કોઈપણ એરપોર્ટ પર સુરક્ષા-સંવેદનશીલ વિસ્તારોમાં કામ કરી શકશે નહીં. મુંબઈ જેવા મોટા એરપોર્ટ પર વૈકલ્પિક ગ્રાઉન્ડ હેન્ડલિંગ ઓપરેટરની જરૂર પડી શકે છે. ફ્લાઇટ કામગીરી અને સામાન્ય એરપોર્ટ કામગીરી પણ અસ્થાયી રૂપે પ્રભાવિત થઈ શકે છે.
BoCA દ્વારા સેલેબીની સુરક્ષા મંજૂરી રદ કરવી એ ભારતના ઉડ્ડયન ક્ષેત્રમાં કડક સુરક્ષા દેખરેખ અને નીતિગત કઠોરતાનો સ્પષ્ટ સંકેત છે. આ નિર્ણય સરકારની નીતિને પુનરાવર્તિત કરે છે કે ઉડ્ડયન ક્ષેત્રમાં રાષ્ટ્રીય સુરક્ષા સર્વોપરી છે. વિદેશી કંપનીઓએ પણ ઉચ્ચતમ સુરક્ષા ધોરણોનું પાલન કરવું જરૂરી છે, પછી ભલે તેમનો વ્યવસાય ગમે તેટલો મોટો હોય.
સેલેબી એવિએશન ભારતીય એરપોર્ટ પર ગ્રાઉન્ડ હેન્ડલિંગ, કાર્ગો મેનેજમેન્ટ અને એરસાઇડ કામગીરીમાં રોકાયેલું છે. આ કંપનીના કર્મચારીઓ એરસાઇડ ઝોનમાં કામ કરે છે, જે એરપોર્ટના ઉચ્ચ-સુરક્ષાવાળા વિસ્તારો છે જે વિમાનના સીધા સંપર્કમાં આવે છે. સેલેબીના સ્ટાફ એરપોર્ટ પર કાર્ગો લોજિસ્ટિક્સ અને મુસાફરોના સામાનનું પણ સંચાલન કરે છે.
હવે એરપોર્ટ ઓપરેટરો માટે પડકાર એ રહેશે કે તેઓ અવિરત સેવાઓ ચાલુ રાખવા માટે શક્ય તેટલી ઝડપથી નવા વિકલ્પો શોધે. કંપની અત્યારે દિલ્હી, મુંબઈ, અમદાવાદ, બેંગલુરુ, હૈદરાબાદ, કોચીન, ગોવા (મોપા), કન્નુર અને ચેન્નાઈ જેવા દેશના મુખ્ય એરપોર્ટ પર કાર્યરત છે. આ બધા એરપોર્ટના વ્યૂહાત્મક મહત્વને ધ્યાનમાં રાખીને સરકારે તેમની પ્રવૃત્તિઓની ઊંડાણપૂર્વક તપાસ શરૂ કરી છે.
પાકિસ્તાને ભારત સામે તુર્કીમાં બનેલા ડ્રોન ફાયર કર્યા હતા
ભારતીય સેનાએ માહિતી આપી છે કે તુર્કીએ પાકિસ્તાનને લશ્કરી ડ્રોન પૂરું પાડ્યું હતું, જેનો ઉપયોગ ભારત વિરુદ્ધ કરવામાં આવ્યો હતો. તે જ સમયે, ઓપરેશન સિંદૂર પછી, તુર્કીના સલાહકારોએ ભારત પર ડ્રોન હુમલા કરવામાં પાકિસ્તાની સેનાને મદદ કરી હતી.
