ગૃહમંત્રીએ કહ્યું કે વક્ફ બોર્ડમાં ધાર્મિક પ્રવૃત્તિઓ કરવા માટે બિન-મુસ્લિમોની નિમણૂક કરવામાં આવી રહી નથી. પરંતુ વિપક્ષ આના દ્વારા લોકોને ડરાવીને પોતાનો વોટ બેંક સુરક્ષિત કરવાનો પ્રયાસ કરી રહ્યો છે.
વકફ સુધારા બિલ આજે લોકસભામાં રજૂ કરવામાં આવી રહ્યું છે. શાસક અને વિપક્ષી પક્ષો ગૃહમાં સતત પોતાના મંતવ્યો વ્યક્ત કરી રહ્યા છે. સરકાર આ બિલને મુસ્લિમોના હિતમાં સુધારાવાદી પગલું ગણાવી રહી છે, ત્યારે વિપક્ષે તેનો જોરદાર વિરોધ કર્યો છે. સરકારનો પક્ષ રજૂ કરતી વખતે ગૃહમંત્રી અમિત શાહે કહ્યું કે મને લાગે છે કે કાં તો નિર્દોષતાથી અથવા રાજકીય કારણોસર, સભ્યોના મનમાં ઘણી ગેરસમજો છે અને તેને ફેલાવવાના પ્રયાસો કરવામાં આવી રહ્યા છે. રિજિજુજી બિલ પરની ચર્ચાનો જવાબ આપશે. હું કેટલીક બાબતો સ્પષ્ટ કરવાનો પ્રયાસ કરીશ.
અમિત શાહે કહ્યું, વકફ એક અરબી શબ્દ છે જેનો ઇતિહાસ કેટલીક હદીસો સાથે જોડાયેલો છે. આજે તેનો ઉપયોગ અલ્લાહના નામે મિલકતનું દાન કરવાનો અર્થ થાય છે. આપણે જે સમજીએ છીએ તે ઇસ્લામના બીજા ખલીફા ઉમરના સમયમાં અસ્તિત્વમાં આવ્યું હતું. વકફ એ એક પ્રકારનું ચેરિટેબલ દાન છે. આમાં વ્યક્તિ એક પવિત્ર દાન કરે છે. દાન પોતાની વસ્તુનું કરી શકાય છે, હું સરકારી મિલકત કે બીજા કોઈની મિલકતનું દાન કરી શકતો નથી. આ આખી ચર્ચા આના વિશે છે.
વક્ફમાં એક પણ બિન-મુસ્લિમનો સમાવેશ થશે નહીં: શાહ
ગૃહમંત્રીએ કહ્યું કે વક્ફ બોર્ડમાં ધાર્મિક પ્રવૃત્તિઓ કરવા માટે બિન-મુસ્લિમોની નિમણૂક કરવામાં આવી રહી નથી. પરંતુ વિપક્ષ આના દ્વારા લોકોને ડરાવીને પોતાનો વોટ બેંક સુરક્ષિત કરવાનો પ્રયાસ કરી રહ્યો છે. વકફ બોર્ડ અને વકફ કાઉન્સિલમાં બિન-મુસ્લિમોને રાખવાની વાત ચાલી રહી છે જેનું કામ એ જોવાનું છે કે કામ યોગ્ય રીતે થઈ રહ્યું છે કે નહીં. આ ગૃહ દ્વારા, હું સમગ્ર દેશના મુસ્લિમ ભાઈઓને કહેવા માંગુ છું કે તમારા વકફમાં એક પણ બિન-મુસ્લિમનો સમાવેશ કરવામાં આવશે નહીં.
અમિત શાહે કહ્યું કે વકફ બોર્ડમાં જે મિલકતો વેચવાવાળા તેમજ સેંકડો વર્ષોથી નજીવા ભાવે ભાડે આપવા વાળા લોકો છે, તે લોકોને પકડવાનુ કામ વકફ બોર્ડ અને વકફ કાઉન્સિલ કરશે. તેઓ ઇચ્છે છે કે તેમના શાસન દરમિયાન પણ આ મિલીભગત ચાલુ રહે. પરંતુ હવે આ બધુ નહીં ચાલે. અમિત શાહે કહ્યું કે જો 2013નો જે સુધારો આયો, તે ન આયો હોત તો આજે આ સુધારો લાવવાની જરૂર ના પડી હોત. કોંગ્રેસ સરકારે દિલ્હી લુટિયન્સની ૧૨૫ મિલકતો વકફને આપી દીધી. ઉત્તર રેલવેની જમીન વકફને આપવામાં આવી હતી. તેમણે કહ્યું કે હિમાચલમાં મસ્જિદ બનાવવાનું કામ વકફ જમીન હોવાનો દાવો કરીને કરવામાં આવ્યું હતું.
મણિપટ્ટી સમિતિના અહેવાલને ટાંકીને અમિત શાહે કહ્યું કે એક લાખ આડત્રીસ હજાર એકર જમીન ભાડે આપવામાં આવી હતી, ખાનગી સંસ્થાઓની જમીન સો વર્ષના ભાડાપટ્ટે ટ્રાન્સફર કરવામાં આવી હતી, વિજયપુર ગામની ૧૫૦૦ એકર જમીન પર દાવો કરીને વિવાદ કરવામાં આવ્યો હતો, ફાઇવ સ્ટાર હોટેલ રૂ. ૧૨૦૦૦ પ્રતિ માસમાં ભાડે આપવામાં આવી હતી. અને કહ્યું કે આ પૈસા ગરીબ મુસ્લિમોના છે.
જમીન હડપવાનું ઉદાહરણ આપતા અમિત શાહે કહ્યું કે કર્ણાટકમાં એક મંદિર પર દાવો કરવામાં આવ્યો હતો, 600 એકર જમીનનો દાવો કરવામાં આવ્યો હતો. ખ્રિસ્તી સમુદાયની ઘણી જમીન પર પણ દાવો કર્યો. ઘણા જૂથો વકફ બિલનો વિરોધ કરી રહ્યા છે. અખિલેશજી, મુસ્લિમ ભાઈઓની સહાનુભૂતિ મેળવવાનો કોઈ ફાયદો નહીં થાય. દક્ષિણના આ સાંસદો જે આ બોલી રહ્યા છે તેઓ તેમના વિસ્તારના બધા ચર્ચોને નારાજ કરી રહ્યા છે. કોંગ્રેસે હરિયાણામાં ગુરુદ્વારાની જમીન વકફને સોંપી દીધી. પ્રયાગરાજમાં ચંદ્રશેખર આઝાદ પાર્કને પણ વકફ જાહેર કરવામાં આવ્યું. આ બધું ચાલી રહ્યું છે, વકફ મુસ્લિમ ભાઈઓના દાનથી બનેલ એક ટ્રસ્ટ છે, સરકાર તેમાં દખલ કરવા માંગતી નથી.
અમિત શાહે કહ્યું કે આ જમીન લાખો કરોડની છે અને આવક ૧૨૬ કરોડ રૂપિયા છે. તેઓ કહે છે કે આવકનો હેતુ શું છે? આજે બધા આરજેડી સભ્યો બોલ્યા, જ્યારે 2013નો સુધારો આવ્યો, ત્યારે લાલુજીએ શું કહ્યું, તેમણે કહ્યું કે બધી જમીનો હડપ થઈ ગઈ છે. પટનામાં જ, ડાક બંગલાની બધી મિલકતને મોટી ઇમારતોમાં રૂપાંતરિત કરવામાં આવી છે. અમે સમર્થન આપીએ છીએ પણ કડક કાયદો લાવવા માંગીએ છીએ.
ત્યારબાદ અમિત શાહે ગૃહમાં અનેક સભ્યો દ્વારા કરવામાં આવેલી ટિપ્પણીઓનો જવાબ આપ્યો અને કહ્યું કે પારદર્શિતાથી કેમ ડરવું જોઈએ. તમે તો સ્પષ્ટ કરી દીધું હતું કે તેમના આદેશને કોઈ પણ કોર્ટમાં પડકારી શકે નહીં. આખું બંધારણ ત્યાં જ સમાપ્ત કરી દીધુ હતું. અમે તો કહીએ છીએ કે કોઈપણ તેને કોર્ટમાં પડકારી શકે છે. કોર્ટ ફોરમમાંથી તેને બાકાત રાખવાનું પાપ તો કોંગ્રેસે કર્યું હતું.
