આ યોજનાનો લાભ લેવા માટે મહિલાઓની ઉંમર 18 વર્ષથી વધુ હોવી જોઈએ તેમજ…
અરવિંદ કેજરીવાલે ગુરુવારે દિલ્હીની મહિલાઓ માટે મોટી જાહેરાત કરી છે. કેજરીવાલે જાહેરાત કરી છે કે હવે દરેક મહિલાના બેંક ખાતામાં દર મહિને 2100 રૂપિયા જમા કરવામાં આવશે. આ યોજના મહિલા સન્માન યોજના હેઠળ શરૂ કરવામાં આવી રહી છે. આ યોજનાનો લાભ લેવા માટે મહિલાઓની ઉંમર 18 વર્ષથી વધુ હોવી જોઈએ.
આમ આદમી પાર્ટી (AAP)ના રાષ્ટ્રીય સંરક્ષક અને પૂર્વ મુખ્યમંત્રી અરવિંદ કેજરીવાલે ચૂંટણી પહેલા દિલ્હીના લોકો માટે બે મોટી જાહેરાતો કરી છે. કેજરીવાલે મહિલાઓ માટે મોટી જાહેરાત કરી છે.
અરવિંદ કેજરીવાલે ગુરુવારે પાર્ટી કાર્યાલયમાં મુખ્યમંત્રી આતિશી સાથે પ્રેસ કોન્ફરન્સ કરી હતી. આ દરમિયાન કેજરીવાલને કહેવામાં આવ્યું કે કેબિનેટની બેઠકમાં મુખ્યમંત્રી મહિલા સન્માન યોજનાને મંજૂરી આપવામાં આવી છે. કેજરીવાલે કહ્યું કે ચૂંટણી બાદ મહિલાઓના ખાતામાં 2100 રૂપિયા જમા કરવામાં આવશે. કેજરીવાલે કહ્યું કે મહિલા સન્માન યોજના માટે રજીસ્ટ્રેશન આવતીકાલ એટલે કે શુક્રવાર (13 ડિસેમ્બર)થી શરૂ થશે. કેજરીવાલે કહ્યું કે રજીસ્ટ્રેશન કરાવવા માટે મહિલાની ઉંમર 18 વર્ષથી વધુ હોવી જોઈએ.
અગાઉ મહિલાઓને 1000 આપવાની દરખાસ્ત મંજૂર કરવામાં આવી હતી.
કેજરીવાલે કહ્યું કે અગાઉ મહિલાઓને 1000 આપવાની દરખાસ્ત મંજૂર કરવામાં આવી હતી. દિલ્હી સરકારે માર્ચમાં રજૂ કરેલા 24-25ના બજેટમાં આ યોજનાની જાહેરાત કરવામાં આવી હતી. દર મહિને એક હજાર રૂપિયાની જોગવાઈ હતી, પરંતુ હવે કેબિનેટની બેઠકમાં મહિલાઓને 2100 આપવાના પ્રસ્તાવને મંજૂરી આપવામાં આવી છે.
કેજરીવાલે કહ્યું કે અમારી રણનીતિ એપ્રિલમાં આ યોજનાને લાગુ કરવાની હતી. પરંતુ આ લોકોએ અમને ખોટા કેસમાં જેલમાં ધકેલી દીધા, જેના કારણે આ યોજના લાગુ થઈ શકી નહીં. હવે ચૂંટણી છે એટલે પૈસા નહીં મળે, પરંતુ ચૂંટણી પછી જ્યારે પૈસા મળશે ત્યારે તમને એક હજાર નહીં પણ 2100 મળશે. આ યોજનામાં આ બીજી જાહેરાત છે. તેમના કહેવા પ્રમાણે કેટલીક મહિલાઓએ તેમને કહ્યું છે કે એક હજાર રૂપિયા ઓછા છે.
પૂર્વ સીએમ અરવિંદ કેજરીવાલે મહિલાઓને અપીલ કરી કે તેઓ 60થી વધુ સીટો મેળવવા માટે તમામ પ્રયાસો કરે, નહીં તો આ બીજેપી લોકો સરકાર બનવા દેશે નહીં.
2100 રૂપયા કોને મળશે ?
- મહિલાની ઉંમર 18 વર્ષથી વધુ હોવી જોઈએ.
- તેની પાસે દિલ્હીનું વોટર આઈડી કાર્ડ હોવું જોઈએ.
- આવકવેરો ભરતી મહિલાઓને આ સુવિધા ઉપલબ્ધ રહેશે નહીં.
