મોદી સરકાર 3.0માં કરાઈ ખાતાની વહેંચણીઃ અમિત શાહ કેન્દ્રીય ગૃહમંત્રી તરીકે યથાવત, રાજનાથ સિંહને અપાયું સંરક્ષણ મંત્રાલય

અમિત શાહ, રાજનાથ, ગડકરી, નિર્મલા, જયશંકરના મંત્રાલય રિપીટ, એસ. જયશંકર ફરીથી બન્યા વિદેશ મંત્રી
નીતિન ગડકરીને માર્ગ અને પરિવહન વિભાગ, નિર્મલા સીતારામનને ફરી નાણાં વિભાગ અપાયું

દેશમાં ત્રીજી વખત મોદી સરકાર બની છે. રાષ્ટ્રપતિ ભવનમાં નરેન્દ્ર મોદીએ સતત ત્રીજી વખત દેશના વડાપ્રધાન પદના શપથ લીધા હતા. રવિવારે સાંજે આયોજિત કાર્યક્રમમાં મોદીની સાથે 71 મંત્રીઓએ શપથ લીધા હતા. જેમાં 30 કેબિનેટ મંત્રીઓ અને 5 સ્વતંત્ર પ્રભારી મંત્રીઓ અને 36 રાજ્ય મંત્રીઓ સામેલ છે. શપથગ્રહણનાં 23:30 કલાક બાદ ખાતાની વહેંચણી કરવામાં આવી. આ અગાઉ, 2019માં 18 કલાક અને 2014માં 15.30 કલાકનો સમય લાગ્યો હતો.

વડાપ્રધાન નિવાસસ્થાને આજે મોદી કેબિનેટની પહેલી બેઠક યોજાઈ હતી. આજે એટલે કે સોમવારે મંત્રીઓને પણ તેમના વિભાગોમાં વહેંચી દેવામાં આવ્યા છે. જે મુજબ અમિત શાહને ફરીથી ગૃહમંત્રી, રાજનાથ સિંહને સંરક્ષણ મંત્રી બનાવવામાં આવ્યા છે. એસ જયશંકર વિદેશ મંત્રાલયમાં જ રહેશે. શિવરાજ સિંહને કૃષિ મંત્રાલયની જવાબદારી સોંપવામાં આવી છે. નીતિન ગડકરીને ફરીથી રોડ ટ્રાન્સપોર્ટ મંત્રાલય આપવામાં આવ્યું છે. અજય તમટા, હર્ષ મલ્હોત્રાને રોડ ટ્રાન્સપોર્ટ રાજ્ય મંત્રી બનાવવામાં આવ્યા છે. જાણો મોદી સરકારમાં વિભાગોની વહેંચણી…

મોદી સરકારમાં વિભાગોની વહેંચણીઃ–

વડાપ્રધાન

કેબિનેટ મંત્રી

રાજ્યમંત્રી (સ્વતંત્ર હવાલો)

રાજ્યમંત્રી

બેઠકમાં વડાપ્રધાન નરેન્દ્ર મોદીએ કેટલાક મહત્ત્વના નિર્ણયો લીધા હતા. આ દરમિયાન કેબિનેટની પહેલી બેઠકમાં ત્રણ કરોડ ઘર બનાવવાનો, તમામ ઘરને એલપીજી અને વીજળી આપવાનો મહત્ત્વનો નિર્ણય લેવાયો હતો. આ ઉપરાંત કિસાન સન્માન નિધિની પણ જાહેરાત કરાઈ હતી, જેનાથી દેશના નવ કરોડ ખેડૂતોને ફાયદો થશે.