નાગરિક સુધારો અધિનિયમની યાદીમાં મુસ્લિમોનો સમાવેશ ન કરવો એ બંધારણની કલમ 14 હેઠળ સમાનતાના અધિકારનું ઉલ્લંઘન છે: IUML
2019માં પસાર થયેલ નાગરિકતા સંશોધન કાયદો બાંગ્લાદેશ, પાકિસ્તાન અને અફઘાનિસ્તાનમાં ધાર્મિક અત્યાચારનો ભોગ બનેલા બિન-મુસ્લિમોને ભારતીય નાગરિકતા આપશે. તેમાં હિન્દુ, શીખ, બૌદ્ધ, જૈન, પારસી અથવા ખ્રિસ્તી સમુદાયનો સમાવેશ થાય છે.
ઈન્ડિયન યુનિયન મુસ્લિમ લીગે સુપ્રીમ કોર્ટમાં અરજી દાખલ કરીને નાગરિકતા સંશોધન અધિનિયમ એટલે કે CAA 2024 પર પ્રતિબંધ લગાવવાની માંગ કરી છે. કેરળ સ્થિત પાર્ટીએ તેને ગેરબંધારણીય અને મુસ્લિમ સમુદાય સામે ભેદભાવપૂર્ણ ગણાવીને કાયદાના અમલીકરણ પર સ્ટે મૂકવાની માંગ કરી છે. એક દિવસ પહેલા સોમવારે સાંજે ગૃહ મંત્રાલયે આ કાયદાની સૂચના આપી હતી.
2019માં પસાર થયેલ નાગરિકતા સંશોધન કાયદો બાંગ્લાદેશ, પાકિસ્તાન અને અફઘાનિસ્તાનમાં ધાર્મિક અત્યાચારનો ભોગ બનેલા બિન-મુસ્લિમોને ભારતીય નાગરિકતા આપશે. તેમાં હિન્દુ, શીખ, બૌદ્ધ, જૈન, પારસી અથવા ખ્રિસ્તી સમુદાયનો સમાવેશ થાય છે. શરત એ છે કે 31 ડિસેમ્બર 2014 કે તે પહેલા ભારતમાં આશરો લેનારાઓને જ નાગરિકતા આપવામાં આવશે.
IUMLએ 2019માં કાનૂની પડકાર આપ્યો હતો
ઇન્ડિયન યુનિયન મુસ્લિમ લીગ એ 2019 માં નાગરિકતા સંશોધન કાયદાને પડકારનારાઓમાંની એક હતી. અરજીમાં દલીલ કરવામાં આવી છે કે નાગરિકતા માટે પાત્ર લોકોની યાદીમાં મુસ્લિમોનો સમાવેશ ન કરવો એ બંધારણના અનુચ્છેદ 14 હેઠળ સમાનતાના અધિકારનું ઉલ્લંઘન છે.
IUML એ કાયદાના અમલીકરણ પર સ્ટે માંગ્યો હતો. પરંતુ કેન્દ્રએ તે સમયે કોર્ટને કહ્યું હતું કે આ કાયદો લાગુ થશે નહીં કારણ કે નિયમો હજુ સુધી સૂચિત કરવામાં આવ્યા નથી. અરજીમાં કહેવામાં આવ્યું છે કે કાયદાની બંધારણીય માન્યતા વિરુદ્ધ 250 પેન્ડિંગ પિટિશન પર સુપ્રીમ કોર્ટનો ચુકાદો ન આવે ત્યાં સુધી CAA નિયમોના અમલીકરણને રોકી દેવામાં આવે.
અરજીમાં કહેવામાં આવ્યું છે કે બંધારણની પ્રસ્તાવનામાં એવી કલ્પના કરવામાં આવી છે કે ભારત એક બિનસાંપ્રદાયિક દેશ છે અને તેથી પસાર કરવામાં આવેલ કોઈપણ કાયદો ધર્મ-તટસ્થ હોવો જોઈએ.
ઘણી જગ્યાએ આવકાર્યો તો ઘણાએ વિરોધ નોંધાવ્યો
કેન્દ્ર સરકારની જાહેરાત બાદ દેશના અનેક ભાગોમાં ઉજવણી કરવામાં આવી હતી. બંગાળમાં માતુઆ સમુદાયના સભ્યો અને ભોપાલમાં રહેતા સિંધી શરણાર્થીઓએ જાહેરાત બાદ ઉજવણી કરી હતી. જોકે અન્ય કેટલાક વિસ્તારોમાં જનતાનો મૂડ અલગ હતો. આસામમાં વિરોધ ફાટી નીકળ્યો નવા નાગરિકત્વ નિયમોનો વિરોધએ કારણસર થયો કે તે સરહદી રાજ્યમાં સામૂહિક સ્થળાંતર તરફ દોરી જશે. દેશના અન્ય વિસ્તારોમાં દેખાવકારોએ આક્ષેપ કર્યો હતો કે કાયદો મુસ્લિમ સમુદાય સામે ભેદભાવપૂર્ણ છે.
