ભારતને સંયુક્ત રાષ્ટ્ર સુરક્ષા પરિષદમાં કાયમી સભ્યપદને લઈને વિશ્વના સૌથી ધનિક વ્યક્તિ ઈલોન મસ્કનું સમર્થન મળ્યું, એલોન મસ્કએ કહ્યું કે ભારત વિશ્વમાં સૌથી વધુ વસ્તી ધરાવતો દેશ
ટેસ્લા કંપનીના સીઈઓ એલોન મસ્કે સંયુક્ત રાષ્ટ્ર સુરક્ષા પરિષદમાં ભારત દેશના કાયમી સભ્યપદને સમર્થન આપ્યું છે. આ દરમિયાન ઈલોન મસ્કે UNSCમાં વૈશ્વિક દેશના સભ્યોને લઈને પોતાના વિચારો વ્યક્ત કર્યા હતા. આનો અર્થ એ થયો કે સંયુક્ત રાષ્ટ્ર સુરક્ષા પરિષદમાં કાયમી સભ્યપદને લઈને ભારતને વિશ્વના સૌથી ધનિક વ્યક્તિ ઈલોન મસ્કનું સમર્થન પણ મળ્યું છે. એલોન મસ્કએ કહ્યું કે ભારત વિશ્વમાં સૌથી વધુ વસ્તી ધરાવતો દેશ છે. ભારતને સંયુક્ત રાષ્ટ્રના કાયમી સભ્ય તરીકે નામ આપવું એ હાસ્યાસ્પદ નિવેદન છે.
ભારત વિશ્વ પર સૌથી વધુ વસ્તી ધરાવતો દેશ
UN સેક્રેટરી જનરલ એન્ટોનિયો ગુટેરેસ દ્વારા આફ્રિકાને સંયુક્ત રાષ્ટ્રના સ્થાયી સભ્યપદની માંગણી કરતી તાજેતરની ટ્વીટના જવાબમાં એલન મસ્કે આ વાત કરી છે. એલોન મસ્કે કહ્યું કે UN સંસ્થાઓએ મંત્રાણ કરવાની જરૂર છે. આ સંબંધમાં તેમની એક્સ પર એક પોસ્ટ કરી જેમાં તેણે લખ્યું કે સંયુક્ત રાષ્ટ્રની સંસ્થાઓની સમીક્ષા થવી જોઈએ. સમસ્યા એ છે કે જે દેશો પાસે વધુ શક્તિ છે તેઓ તેને છોડવા માંગતા નથી. ભારત વિશ્વ પર સૌથી વધુ વસ્તી ધરાવતો દેશ છે પરંતુ તેની પાસે સંયુક્ત રાષ્ટ્ર સુરક્ષા પરિષદમાં કાયમી સભ્યપદ નથી.આ ખૂબ જ હાસ્યાસ્પદ છે. તમને જણાવી દઈએ કે અગાઉ સંયુક્ત રાષ્ટ્રના મહાસચિવ એન્ટોનિયો ગુટેરેસે પોસ્ટ કર્યું હતું કે અમે કેવી રીતે સ્વીકારી શકીએ કે સુરક્ષા પરિષદમાં આફ્રિકાનો એક પણ કાયમી સભ્ય નથી.
દુનિયા આસાનીથી કંઈ આપતી નથી: વિદેશ મંત્રી
એન્ટોનિયો કહે છે કે સંસ્થાઓએ આજની દુનિયાને પ્રતિબિંબિત કરવી જોઈએ, 80 વર્ષ પહેલાંની દુનિયાને નહીં. સમિટ, સપ્ટેમ્બરમાં યોજાવાની છે, વૈશ્વિક શાસન પર પુનર્વિચાર કરવાની અને વિશ્વાસ પુનઃસ્થાપિત કરવાની તક પૂરી પાડશે. તમને જણાવી દઈએ કે ટેસ્લાના સીઈઓ ઈલોન મસ્કનું આ સમર્થન એવા સમયે આવ્યું છે જ્યારે ભારતીય વિદેશ મંત્રી એસ જયશંકરે સ્થાયી સભ્યને લઈને મોટું નિવેદન આપ્યું હતું. તેમણે કહ્યું હતું કે દુનિયા આસાનીથી કંઈ આપતી નથી. ઘણી વખત લેવી પડે છે.
ચીન ભારત માટે અવરોધ રુપ
ચીન ભારતનો સૌથી મોટો અવરોધ છે. ચીનને ડર છે કે જો ભારતને કાયમી સભ્યપદ મળશે તો એશિયામાં ચીનનું વર્ચસ્વ ઘટશે. આ કારણોસર, તે આ મહત્વપૂર્ણ સંસ્થામાંથી ભારતના દાવાને દૂર રાખવાના તમામ પ્રયાસો કરી રહ્યા છે.
