વલસાડના કપરાડામાં ટ્રક પાછળ ઈકો કાર ઘૂસતાં 7નાં મોત

વલસાડ જિલ્લાના કપરાડા તાલુકાના કુખ્યાત ગણાતા કુંભઘાટ પર આજે એક ભયાનક માર્ગ અકસ્માત સર્જાયો હતો. પુરપાટ ઝડપે આવતી ટ્રક અને ઇકો કાર વચ્ચે થયેલી જોરદાર ટક્કરમાં એક જ પરિવારના 5 સભ્યોના ઘટનાસ્થળે જ કરુણ મોત નીપજ્યા છે, જ્યારે 2 વ્યક્તિઓ ગંભીર રીતે ઘાયલ થતા હોસ્પિટલ ખસેડાયા હતા. જોકે, ટૂકં સારવાર બાદ બંનેના મોત થયા હતા. આમ વિચિત્ર અકસ્માતમાં એક પરિવાર સહિત 7 લોકોએ જીવ ગુમાવ્યાનું બહાર આવ્યું છે. જેમાં એક મહિલાનું તો આખા માથું ફાટી ગયું હતું અને માત્ર વાળ જ બચ્યા હતા. રોડ પર માથાના લોચેલોચા વિખેરાયા હતા.