પૂર્ણમ કુમાર શો હવે પાકિસ્તાનની કેદમાંથી ભારત પરત ફર્યા છે. તેમના ભારત પરત ફરવા પર તેમના પરિવારના સભ્યોએ કેન્દ્ર સરકાર અને બીએસએફનો આભાર માન્યો છે.
પાકિસ્તાને ભારતના BSF જવાન પૂર્ણમ કુમાર શોને પરત કર્યા છે. તે છેલ્લા વીસ દિવસથી પાકિસ્તાનની કસ્ટડીમાં હતા. પશ્ચિમ બંગાળના હુગલી જિલ્લાના રિશ્રાના રહેવાસી કોન્સ્ટેબલને પાકિસ્તાન રેન્જર્સ દ્વારા સવારે 10:30 વાગ્યે પંજાબની અટારી-વાઘા સરહદ દ્વારા BSFને સોંપવામાં આવ્યા હતા. તેમની પૂછપરછ કરવામાં આવી રહી છે.
પહેલગામ આતંકવાદી હુમલાના એક દિવસ પછી, 23 એપ્રિલના રોજ, ફિરોઝપુર જિલ્લામાં ભારત-પાકિસ્તાન આંતરરાષ્ટ્રીય સરહદ નજીક રેન્જર્સ દ્વારા તેમની ધરપકડ કરવામાં આવી હતી. તેઓ પંજાબના ફિરોઝપુર સેક્ટરમાં પોસ્ટેડ હતા. પૂર્ણમ કુમાર ભૂલથી આંતરરાષ્ટ્રીય સરહદ પાર કરીને પાકિસ્તાન પહોંચી ગયા હતા.
ભારતે 7 મેના રોજ ‘ઓપરેશન સિંદૂર’ હેઠળ આતંકવાદીઓના ઠેકાણાઓ પર સચોટ હુમલા કર્યા. પાકિસ્તાને પણ વળતો જવાબ આપ્યો, જેનાથી તણાવ વધ્યો. આવી સ્થિતિમાં પૂર્ણમના પરિવારની ચિંતા વધી ગઈ હતી.
પૂર્ણમ કુમાર શાહુ હવે પાકિસ્તાનની કેદમાંથી ભારત પરત ફર્યા છે. તેમના ભારત પરત ફરવા પર તેમના પરિવારના સભ્યોએ કેન્દ્ર સરકાર અને બીએસએફનો આભાર માન્યો છે.
બીએસએફ જવાનના એક સંબંધીએ કહ્યું, “તેમને સુરક્ષિત રીતે પાછા લાવવાના પ્રયાસો બદલ અમે કેન્દ્ર સરકાર અને બીએસએફ અધિકારીઓનો આભાર માનીએ છીએ. છેલ્લા બે અઠવાડિયા અમારા માટે ઊંઘ હરામ અને અનિશ્ચિતતાથી ભરેલા રહ્યા છે. અમે તેમના સ્વાસ્થ્ય વિશે સતત ચિંતિત હતા. હવે અમે તેમની સાથે વાત કરવા અને તેમને રૂબરૂ મળવા માટે આતુરતાથી રાહ જોઈ રહ્યા છીએ. આખરે અમારી પ્રાર્થનાઓનો જવાબ મળ્યો છે.” તેમણે કહ્યું કે બીએસએફના પ્રવક્તાએ જણાવ્યું હતું કે ટ્રાન્સફર શાંતિપૂર્ણ રીતે અને સ્થાપિત પ્રોટોકોલ મુજબ કરવામાં આવ્યું હતું.
અધિકારીઓએ પીટીઆઈને જણાવ્યું હતું કે જવાનની સંપૂર્ણ તપાસ અને તબીબી તપાસ કરવામાં આવશે, ત્યારબાદ કાઉન્સેલિંગ અને “ડિબ્રીફિંગ” સત્ર થશે જ્યાં BSF અધિકારીઓ તેને તેની 21 દિવસની અટકાયત વિશે “સંબંધિત પ્રશ્નો” પૂછશે. બીએસએફની 24મી બટાલિયનના જવાનને સક્રિય ફરજમાં સામેલ કરવામાં આવશે નહીં અને રેન્જર્સ દ્વારા તેમની ધરપકડના ક્રમની તપાસ કરવા અને જો કોઈ ભૂલો હોય તો તે શોધવા માટે બીએસએફના પંજાબ ફ્રન્ટિયર દ્વારા શરૂ કરાયેલી સત્તાવાર તપાસનો પણ ભાગ બનશે. દરમિયાન, પશ્ચિમ બંગાળ ભાજપ પ્રમુખ અને કેન્દ્રીય મંત્રી સુકાંત મજુમદારે BSF જવાનને પરત લાવવાના પ્રયાસો બદલ વડાપ્રધાન મોદીનો આભાર માન્યો.
પૂર્ણમ કુમારના પત્ની રજનીએ આશા વ્યક્ત કરી હતી કે ડીજીએમઓ સાથેની વાતચીતમાં પૂર્ણમ કુમારનો મુદ્દો ઉઠાવવામાં આવશે. તેણીએ કહ્યું હતું કે, ‘જ્યારે ભારતીય સેનાએ 3 મેના રોજ રાજસ્થાનમાં એક પાકિસ્તાની રેન્જરની અટકાયત કરી હતી, ત્યારે એવું લાગતું હતું કે કદાચ મારા પતિને પણ મુક્ત કરવામાં આવશે.’ પણ આવું ન થયું. હવે ડીજીએમઓ વાટાઘાટોથી નવી આશા જાગી છે.
રજનીએ એમ પણ કહ્યું કે પશ્ચિમ બંગાળના મુખ્યમંત્રી મમતા બેનર્જીએ રવિવારે તેમને ફોન કર્યો હતો અને શક્ય તમામ મદદનું આશ્વાસન આપ્યું હતું. મુખ્યમંત્રીએ તેમના સાસરિયાઓ માટે તબીબી સહાય વિશે પણ વાત કરી.
આપને જણાવી દઈએ કે 23 એપ્રિલના રોજ ફિરોઝપુર સેક્ટરમાં ઓપરેશનલ ડ્યુટી દરમિયાન બીએસએફ જવાન “અજાણતા” પાકિસ્તાની ક્ષેત્રમાં ઘૂસી ગયા હતા અને પાકિસ્તાન રેન્જર્સ દ્વારા તેમને કસ્ટડીમાં લેવામાં આવ્યા હતા.
