પાટણના શ્રેય વિલાના ગોડાઉનમાં 4.5 ટન રક્તચંદનનો જથ્થો પકડાયો, જેને વિદેશમાં વેચવાની યોજના હતી.
પાટણ જિલ્લામાંથી 4.5 ટન રક્તચંદન પકડાયુ છે. આંધ્રપ્રદેશથી ગેરકાયદે ચોરી કરીને રક્તચંદનનો જથ્થો ગુજરાતના પાટણમાં સંતાડાયો હતો. આંધ્રપ્રદેશની તિરૂપતિ રેડ સેન્ડર્સ ટાસ્ક ફોર્સે બાતમીના આધારે પાટણ પહોંચી હતી. પાટણની એલસીબી અને બાલીસણા પોલીસને સાથે રાખીને હાજીપુરના એક શ્રેય વિલાના ગોડાઉન નંબર 70માં રેડ કરી કરોડોના રક્તચંદનના 150 ટુકડા પકડી પાડ્યા હતા. જથ્થાનું કુલ વજન 4.5 ટન જેટલુ થયુ હતુ અને તેની કિંમત અઢી કરોડ જેટલી અંદાજવામાં આવી છે.
પોલીસે ચંદનનાં જથ્થા સાથે પાટણના 3 શખસની પણ અટકાયત કરી છે. આંધ્રપ્રદેશના વિશેષ ટાસ્ક ફોર્સે પાટણમાં કેદ કરેલા 3 આરોપીઓ, જેમણે રક્તચંદનને વિદેશમાં મોકલવાનું આયોજન કર્યું હતું, તેમના પર સખ્તીથી પૂછપરછ કરી. આ 3 જણાંના નામ છે – પરેશજી કાંતીજી ઠાકોર (28 વર્ષ, પાટણ), હંસરાજ વીરાજી જોષી (37 વર્ષ, મહેસાણા), અને ઉત્તમ નંદકિશોર સોની (44 વર્ષ, બનાસકાંઠા). તપાસ દરમ્યાન, પાટણ એલસીબીએ આ મુદ્દે ગોડાઉનમાં 154 લાકડા પકડ્યા, જેનું કુલ વજન 4.5 ટન હતું. આ લાકડાની કિંમત બે કરોડ આસપાસ છે.
આ ત્રણેય ચંદનનો જથ્થો ચીન અને સાઉથ એશિયાના દેશોમાં દાણચોરી કરીને વેચવાના હતા. મળતી માહિતી અનુસાર રક્તચંદનનો જથ્થો ગુજરાતમાંથી વિદેશ મોકલવાનો હતો. આ અંગે સિદ્ધપુર DySP કે .કે .પંડ્યાએ જણાવ્યું હતું કે, સાઉથ એશિયાના દેશો કેટલાક દેશો અને ચીનમાં મેડિકલ ઉપયોગમાં લેવાતું અને દાણચોરી મારફતે ત્યાં મોકલવાના હતા. વધુ કિંમત ઉપજે એમ હોય આ લોકોનું વિદેશ મોકલવાનું આયોજન હતું.
આંધ્રપ્રદેશના સંદુપાલી-સાનીપાયા ફોરેસ્ટ રેન્જમાંથી લાલ ચંદનની માહિતી બોર્ડર રેન્જના આઈજી અને પાટણ એસપીને રેડ સેન્ડર્સ ટાસ્ક ફોર્સે ચંદન ચોરીના ઈનપૂટ આપ્યા હતા. જેના આધારે પાટણ એલસીબીએ 3 આરોપીઓને ઉઠાવી લીધા હતા અને તેમની પૂછપરછ કરી હતી. દરમિયાન તિરૂપતિની સ્પેશિયલ ટાસ્ક ફોર્સ રેડ સેન્ડર્સના ડીવાયએસપી આવી પહોંચતાં પાટણ એલસીબીએ બાલીસણા પોલીસ સાથે મળીને શ્રેયા ગોડાઉન પર સર્ચ કર્યું હતું. જ્યાં 70 નંબરના ગોડાઉનમાં રક્તચંદનના 154 લાકડા મળ્યા હતા. આ જથ્થો શાકભાજીની આડમાં આઈસરમાં ભરીને ગુજરાતમાં લવાયો હતો.રેડ સેન્ડર્સ ટાસ્ક ફોર્સે ગઈકાલે અન્નામૈયા જિલ્લાના ચરમથે રામપ્રસાદ વેંકટ રાજુની ધરપકડ કરી હતી. તેની પૂછપરછ કરતાં તેની પૂછપરછમાં જથ્થો પાટણ પહોંચાડાયો હોવાની વિગત આવી હતી. આ જથ્થો પાટણ, મહેસાણા અને ડીસાના શખસે ચારેક મહિના પહેલા આઈશરમાં શાકભાજીની આડમાં લાવીને શ્રેય ગોડાઉનમાં સંતાડ્યો હતો.
પોલીસે તપાસ કરી છે કે, આ જથ્થો ક્યાંથી આવે છે? કોનો છે? અને અત્યારે હાલ પાટણના બે અને ડીસાના એક શખસ એમ ત્રણ જેટલા આરોપીઓની પૂછપરછ કરવામાં આવી રહી છે. તપાસ કરવામાં આવી છે.જ્યાંથી ચંદન ચોરાઈને ગુજરાતમાં ઘુસાડાયું એ આંધ્રપ્રદેશની પોલીસ જ ગુજરાતમાં આવી હતી અને પાટણ પાસે એક ગોડાઉનમાંથી કરોડોનું રક્તચંદન કબજે કર્યું હતું.
1980થી રક્ત ચંદન કાપવા પર પ્રતિબંઘ
આંધ્રપ્રદેશના કેટલાક જિલ્લાઓ અને તામિલનાડુ અને કર્ણાટકના કેટલાક ભાગોમાં રક્ત ચંદનના વૃક્ષો છે. પરંતુ વધુ પડતી કાપણીને કારણે 1980માં કેન્દ્ર સરકારે CITESના પરિશિષ્ટ 2માં લાલ ચંદનનો સમાવેશ કરવાની ભલામણ કરવાકરી હતી, જે મુજબ “તેમના અસ્તિત્વ સાથે અસંગત ઉપયોગને ટાળવા માટે વેપારને નિયંત્રિત કરવો જોઈએ”. આ પ્રજાતિનો ઉલ્લેખ માત્ર આયુર્વેદમાં જ જોવા મળતો નથી, પરંતુ તેનો ઉપયોગ ચીનમાં રોગપ્રતિકારક શક્તિની દવા બનાવવા માટે પણ થાય છે.
