ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ (GSEB) દ્વારા ધોરણ 10ની બોર્ડ પરીક્ષાના પરિણામની તારીખ જાહેર કરવામાં આવી છે. ધોરણ 10નું પરિણામ આવતીકાલે સવારે 8 વાગ્યે જાહેર કરાશે. વિદ્યાર્થીઓ સવારે 8 વાગ્યાથી ગુજરાત બોર્ડની સત્તાવાર વેબસાઈટ www.gseb.org પર પરિણામ જોઈ શકશે. આ સિવાય વોટ્સએપ નંબર 6357300971 પરથી પણ પરિણામ જાણી શકાશે.
શિક્ષણ મંત્રીએ જણાવ્યું કે, ‘ફેબ્રુઆરી-માર્ચ 2025માં યોજાયેલ ધોરણ-10 અને સંસ્કૃત પ્રથમાની પરીક્ષાનું પરિણામ તા.૦૮/૦૫/૨૦૨૫ ના રોજ સવારે ૦૮.૦૦ કલાકે જાહેર કરવામાં આવશે. વિદ્યાર્થીઓ તેઓનું પરિણામ બોર્ડની વેબસાઇટ http://gseb.org પર પોતાનો બેઠક ક્રમાંક(Seat Number) Enter કરી મેળવી શકશે’
વિદ્યાર્થીઓ gseb.org વેબસાઈટ પર પોતાનો સીટ નંબર એન્ટર કરી મેળવી શકશે. આ ઉપરાંત વોટસએપના 6357300971 પર પોતાનો સીટ નંબર મેસેજ કરીને પણ પરિણામો ચકાસી અને ડાઉનલોડ કરી શકશે.
ગુજરાત બોર્ડ દ્વારા 27 ફેબ્રુઆરીથી ધોરણ 10ની બોર્ડ પરીક્ષાઓ યોજાઈ હતી. આ વર્ષે લગભગ 8.92 લાખથી વધુ વિદ્યાર્થીઓએ ધોરણ 10 બોર્ડની પરીક્ષા આપી હતી.
ઉલ્લેખનીય છે કે, આ વર્ષે ગુજરાત બોર્ડ પરીક્ષાના પરિણામો વહેલા જાહેર કરી રહી છે, જેથી વિદ્યાર્થીઓ એડમિશન તરફ ફોકસ કરી શકે. હજી 6 મેના રોજ ધોરણ 12 નું પરિણામ જાહેર કરવામાં આવી હતી. તેના બે દિવસ બાદ ધોરણ-10 નું પરિણામ જાહેર થવાનું છે.
