આજે તુર્કીના ઇસ્તંબુલમાં રિક્ટર સ્કેલ પર 6.2 ની તીવ્રતાનો ભૂકંપ આવ્યો. તેનું કેન્દ્રબિંદુ ઇસ્તંબુલ નજીક મારમારાના સમુદ્રમાં હતું. તુર્કીની ઇમરજન્સી મેનેજમેન્ટ એજન્સીએ બુધવારે જણાવ્યું હતું કે ભૂકંપથી અત્યાર સુધી કોઈ નુકસાન કે ઈજાના કોઈ અહેવાલ નથી.
આજે બપોરે ૩:૧૯ વાગ્યે તુર્કીમાં ભૂકંપના જોરદાર આચકા અનુભવાયા હતો. ઈસ્તંબુલમાં આવેલ આ ભૂકંપની રિક્ટર સ્કેલ પર તીવ્રતા 6.2 માપવામાં આવી હતી. ભૂકંપનું કેન્દ્રબિંદુ ઇસ્તંબુલથી લગભગ 40 કિમી દક્ષિણપશ્ચિમમાં મારમારા સમુદ્રમાં સ્થિત હતું. તુર્કીની ઇમરજન્સી મેનેજમેન્ટ એજન્સીએ બુધવારે જણાવ્યું હતું કે ભૂકંપથી અત્યાર સુધી કોઈ નુકસાન કે ઈજાના કોઈ અહેવાલ નથી.
જર્મન રિસર્ચ સેન્ટર ફોર જીઓસાયન્સને પણ ભૂકંપની પુષ્ટિ કરી છે અને કહ્યું છે કે ભૂકંપ જમીનથી 10 કિલોમીટર નીચે હતો. ભૂકંપના કારણે શહેર અને આસપાસના વિસ્તારોમાં જોરદાર ધ્રુજારી અનુભવાઈ હતી. આનાથી સમગ્ર વિસ્તારમાં ગભરાટ ફેલાયો હતો. લોકો પોતાના ઘર તેમજ ઓફિસમાંથી બહાર આવી ગયા હતા.
સ્થાનિક મીડિયા અહેવાલો અનુસાર, ભૂકંપનું કેન્દ્ર સિલિવરી નજીક હતું, જે ભૂકંપની પ્રવૃત્તિ માટે જાણીતો દરિયાકાંઠો વિસ્તાર છે.
તુકીયે ભૂકંપની અસરો પડોશી દેશોમાં પણ અનુભવાઈ હતી. તેની અસર બલ્ગેરિયા, ગ્રીસ અને રોમાનિયા જેવા પડોશી દેશોમાં પણ અનુભવાઈ. ભૂકંપ આવતાની સાથે જ લોકો ગભરાઈ ગયા. બધે અરાજકતાનું વાતાવરણ જોવા મળ્યું. આ ભૂકંપથી કેટલું નુકસાન થયું છે તે અંગે હજુ સુધી કોઈ માહિતી બહાર આવી નથી.
મીડિયા રિપોર્ટ્સ અનુસાર, ભૂકંપના આંચકા એટલા જોરદાર હતા કે ઇમારતો ધ્રુજવા લાગી. લોકો ચીસો પાડતા રસ્તાઓ પર નીકળી આવ્યા. ભૂકંપની અસર ઇસ્તંબુલ, અંકારા અને ઇઝમીર જેવા મુખ્ય શહેરોમાં અનુભવાઈ હતી. હાલમાં, કોઈ મોટા જાનમાલના નુકસાન અંગે કોઈ માહિતી પ્રાપ્ત થઈ નથી. પરંતુ અધિકારીઓ કહે છે કે કેટલીક જૂની ઇમારતોમાં તિરાડો જોવા મળી છે. હકીકતમાં, તુર્કીએ બે મુખ્ય ફોલ્ટ લાઇન વચ્ચે સ્થિત છે. તેથી અહીં વારંવાર ભૂકંપ આવે છે. તમને જણાવી દઈએ કે આ પહેલા 6 ફેબ્રુઆરી, 2023 ના રોજ તુર્કીમાં 7.8 ની તીવ્રતાનો ભૂકંપ આવ્યો હતો. જેના કારણે દેશમાં ઘણી તબાહી મચી ગઈ. પછી એક પછી એક બે ભૂકંપ આવ્યા. જેના કારણે મોટા પાયે જાનમાલનું નુકસાન થયું હતું.
ઇસ્તંબુલ તુર્કીનું સૌથી મોટું શહેર છે, જે દેશમાં પાંચમા ક્રમનું સૌથી મોટું વસ્તી ધરાવતું શહેર છે. દેશના ગૃહમંત્રીએ જણાવ્યું હતું કે ભૂકંપ ફક્ત ઇસ્તંબુલમાં જ નહીં પરંતુ આસપાસના પ્રાંતોમાં પણ અનુભવાયો હતો. બે વર્ષ પહેલાં તુર્કીમાં પણ ભયાનક ભૂકંપ આવ્યો હતો, જેમાં તુર્કી અને સીરિયા સહિત હજારો લોકો માર્યા ગયા હતા.
ભૂકંપ કેમ આવે છે તે જાણો
પૃથ્વીની સપાટી સાત ટેક્ટોનિક પ્લેટોથી બનેલી છે. જ્યાં પણ આ પ્લેટો એકબીજા સાથે અથડાય છે. ત્યાં ભૂકંપનો ભય છે. જ્યારે આ પ્લેટો એકબીજાના ક્ષેત્રમાં પ્રવેશવાનો પ્રયાસ કરે છે ત્યારે ભૂકંપ આવે છે. આવી સ્થિતિમાં, જ્યારે આ પ્લેટો એકબીજા સાથે અથડાય છે, એકબીજા સામે ઘસે છે, એકબીજા પર ચઢે છે અથવા એકબીજાથી દૂર જાય છે. પછી આવી સ્થિતિમાં જમીન ધ્રુજવા લાગે છે. આને ભૂકંપ કહેવાય છે. આ ઉપરાંત, ઉલ્કાના પ્રભાવ અને જ્વાળામુખી વિસ્ફોટ, ખાણ પરીક્ષણ અને પરમાણુ પરીક્ષણને કારણે પણ ભૂકંપ આવે છે. ભૂકંપની તીવ્રતા રિક્ટર સ્કેલ પર માપવામાં આવે છે. આ સ્કેલ પર, 2.0 અથવા 3.0 ની તીવ્રતાનો ભૂકંપ હળવો માનવામાં આવે છે, જ્યારે 6 ની તીવ્રતાનો અર્થ શક્તિશાળી ભૂકંપ થાય છે.
