ED અને CBI ની સંયુક્ત ટીમ ટૂંક સમયમાં બેલ્જિયમ જશે. મેહુલ ચોકસીની ધરપકડ બાદ ભારતે તેના પ્રત્યાર્પણ માટે પ્રયાસો તેજ કર્યા છે. ભારતની વિનંતી પર બેલ્જિયમમાં તેની ધરપકડ કરવામાં આવી છે.
ભાગેડુ ઉદ્યોગપતિ મેહુલ ચોકસીની બેલ્જિયમમાં ધરપકડ બાદ ભારતીય એજન્સીઓ તેને ભારત લાવવા માટે સક્રિય થઈ ગઈ છે. કોર્ટમાં મેહુલ ચોકસીની સુનાવણી પહેલા ED અને CBI બેલ્જિયમ જવા માટે તૈયાર છે. રિપોર્ટ અનુસાર, CBI અને ED એ બેલ્જિયમ જતા અધિકારીઓની યાદી તૈયાર કરી છે. આ અધિકારીઓ ટૂંક સમયમાં બેલ્જિયમ જઈ શકે છે. ૧૨ એપ્રિલના રોજ ભારતીય એજન્સીઓની પ્રત્યાર્પણ વિનંતી પર મેહુલ ચોકસીની ધરપકડ કરવામાં આવી હતી.
માહિતી અનુસાર, ED અને CBI ની સંયુક્ત ટીમ ટૂંક સમયમાં બેલ્જિયમ જશે. ટીમમાં કાનૂની સલાહકારોનો પણ સમાવેશ થશે. આ અધિકારીઓ પ્રત્યાર્પણ પ્રક્રિયા માટે દસ્તાવેજો તૈયાર કરશે અને ત્યાંની સરકાર સાથે સંકલન કરશે. CBI અને EDના ત્રણ-ત્રણ અધિકારીઓને બેલ્જિયમ મોકલવામાં આવશે. તેમની પસંદગી પછી પેપર્સ તૈયાર કરવામાં આવશે. બેલ્જિયમમાં મેહુલ ચોક્સીની ધરપકડ બાદ ED અને CBI અધિકારીઓએ બેઠકો યોજી હતી.
ચોક્સી પણ પોતાના પ્રત્યાર્પણને રોકવા માટે અરજી કરે તેવી શક્યતા છે. સોમવારે જ ચોકસીના વકીલ વિજય અગ્રવાલે કહ્યું હતું કે તેઓ બેલ્જિયમમાં તેમની ધરપકડ સામે અરજી દાખલ કરવા જઈ રહ્યા છે. તેમણે કહ્યું હતું કે ચોકસી બ્લડ કેન્સરની સારવાર લઈ રહ્યા હતા. આવી સ્થિતિમાં તેને તબીબી આધાર પર જામીન મળવા જોઈએ. તેમણે કહ્યું કે આરોપી કેન્સરથી પીડિત છે અને તેની સારવાર ચાલી રહી છે. અમે બેલ્જિયમમાં તેમની ધરપકડ સામે અપીલ દાખલ કરવાની પ્રક્રિયામાં છીએ. તેમની જામીન પર મુક્તિ માટેની અમારી અપીલ મુખ્યત્વે આ આધાર પર હશે કે તેમની તબીબી સ્થિતિ સ્થિર નથી અને તેઓ કેન્સરની સારવાર લઈ રહ્યા છે.
તેમણે વધુમાં કહ્યું, “અમે એવી પણ દલીલ કરીશું કે હીરાના વેપારીના ભાગી જવાનું કોઈ જોખમ નથી.” તેમણે કહ્યું કે કેસની સુનાવણી પાંચ દિવસ પછી જ થઈ શકે છે, ત્યારબાદ તેઓ જામીન માટે અપીલ દાખલ કરશે. ચોક્સી 2018 માં ભારત છોડ્યા પછી એન્ટિગુઆમાં રહેતો હતો અને તેણે ભારતીય નાગરિકતા જાળવી રાખીને કેરેબિયન દેશની નાગરિકતા લીધી હોવાનું કહેવાય છે.
સૂત્રોએ જણાવ્યું હતું કે થોડા સમય પહેલા તેમની સામેની ઇન્ટરપોલ રેડ કોર્નર નોટિસ “પાછી ખેંચી” લેવામાં આવી હતી અને ત્યારથી ભારતીય એજન્સીઓ તેમને પ્રત્યાર્પણ દ્વારા ભારત લાવવાનો પ્રયાસ કરી રહી છે. ભારત અને બેલ્જિયમ વચ્ચે લાંબા સમયથી પ્રત્યાર્પણ સંધિ છે.
ED એ લગભગ 6 મહિના પહેલા બેલ્જિયમના અધિકારીઓને ચોક્સીના પ્રત્યાર્પણ માટે વિનંતી મોકલી હતી. ધરપકડ છતાં, ચોક્સીને ભારત લાવવું સરળ નહીં હોય. ઇન્ટરપોલ દ્વારા તેમની સામે જારી કરાયેલી રેડ કોર્નર નોટિસ પણ રદ કરવામાં આવી છે. તેમણે દાવો કર્યો હતો કે ભારતીય અધિકારીઓએ એન્ટિગુઆથી તેમનું અપહરણ કરવાનો પ્રયાસ કર્યો હતો. મેહુલ પાસે એન્ટિગુઆની નાગરિકતા છે.
