વિશ્વમાં 41 દેશો એવા છે જ્યાં ભારત પહેલા નવું વર્ષ ઉજવવામાં આવે છે
આજે વર્ષ 2024નો છેલ્લો દિવસ એટલે કે 31 ડિસેમ્બર છે. નવું વર્ષ 2025 રાત્રે 12 વાગ્યાથી શરૂ થશે. આ દરમિયાન ન્યૂઝીલેન્ડના ઓકલેન્ડમાં નવું વર્ષ 2025 શરૂ પણ થઈ ગયું છે. લોકો દ્વારા ત્યાં ફટાકડા ફોડીને નવા વર્ષનું સ્વાગત કરવામાં આવ્યું છે. તમે પણ જુઓ વિસ્ફોટક ઉજવણીનો વીડિયો………
વિશ્વના ઘણા ભાગોમાં નવું વર્ષ 2025 આવી ગયું છે. ન્યુઝીલેન્ડે સૌથી પહેલા નવા વર્ષ 2025નું સ્વાગત કર્યું છે. નવા વર્ષ 2025નું અહીં ઓકલેન્ડ શહેરમાં ફટાકડા ફોડીને સ્વાગત કરવામાં આવ્યું હતું.
સ્કાય ટાવર ખાતે વિશાળ ફટાકડાનું પ્રદર્શન
આપને જણાવી દઈએ કે ન્યુઝીલેન્ડનું ઓકલેન્ડ શહેર વિશ્વના સૌથી પૂર્વ ભાગમાં આવેલું છે, જેના કારણે અહીં નવું વર્ષ સૌથી પહેલા ઉજવવામાં આવે છે. તે જ સમયે, આ અવસર પર ન્યુઝીલેન્ડના પ્રખ્યાત ટાવર ‘સ્કાય ટાવર’ પર જોરદાર આતશબાજી જોવા મળી હતી.
ઓસ્ટ્રેલિયામાં પણ આતશબાજી સાથે નવા વર્ષનું સ્વાગત કરવામાં આવ્યું
ન્યુઝીલેન્ડ બાદ ઓસ્ટ્રેલિયામાં પણ આતશબાજી સાથે નવા વર્ષનું સ્વાગત કરવામાં આવ્યું હતું. ઓસ્ટ્રેલિયાના સિડની શહેરમાં નવા વર્ષ 2025નું શાનદાર આતશબાજી સાથે સ્વાગત કરવામાં આવ્યું હતું.
જુદા જુદા ટાઈમ ઝોનને લીધે, વિશ્વના દેશોમાં નવા વર્ષની ઉજવણી અલગ અલગ સમયે કરવામાં આવે છે. આજે રાત્રે 12 વાગ્યાની સાથે જ ભારતીયો 2024ને વિદાય આપશે અને વર્ષ 2025નું સ્વાગત કરશે. ભારત પહેલા 41 દેશો એવા છે જ્યાં નવું વર્ષ ઉજવવામાં આવે છે. ભારત પહેલા ઈન્ડોનેશિયા, થાઈલેન્ડ અને મ્યાનમાર નવા વર્ષની ઉજવણી કરશે. ત્યાર બાદ બાંગ્લાદેશ અને નેપાળનો નંબર આવશે.
