વડાપ્રધાન મોદી કુવૈત પહોંચ્યા, સંરક્ષણ, વેપાર અને અન્ય ક્ષેત્રોમાં ભાગીદારીને વધુ મજબૂત કરવા પર થશે ચર્ચા

pmModiKuwait

43 વર્ષ બાદ પ્રથમ વખત ભારતના કોઈ વડાપ્રધાન કુવૈતની મુલાકાતે પહોંચ્યા
ભારત અને કુવૈત વચ્ચેના દ્વિપક્ષીય સંબંધોના નવા અધ્યાયની શરૂઆત થવાની આશા

વડાપ્રધાન નરેન્દ્ર મોદી શનિવારે બે દિવસીય સત્તાવાર પ્રવાસે કુવૈત પહોંચ્યા હતા. તેમના રોકાણ દરમિયાન તેઓ ગલ્ફ દેશના નેતૃત્વ સાથે દ્વિપક્ષીય વાટાઘાટો કરશે અને ભારતીય ડાયસ્પોરાને મળશે.

વડાપ્રધાન નરેન્દ્ર મોદી કુવૈતની બે દિવસીય (21-22) મુલાકાતે છે. 43 વર્ષ બાદ પ્રથમ વખત ભારતના કોઈ વડાપ્રધાન કુવૈતની મુલાકાતે આવ્યા છે. તમને જણાવી દઈએ કે પીએમ મોદીએ સપ્ટેમ્બરમાં કુવૈતના ક્રાઉન પ્રિન્સ સાથે મુલાકાત કરી હતી. વડા પ્રધાનની મુલાકાત પહેલાં વિદેશ મંત્રાલયે જણાવ્યું હતું કે વડા પ્રધાન મોદી કુવૈતના અમીર મહામહિમ શેખ મેશાલ અલ-અહમદ અલ-જાબેર અલ-સબાહના આમંત્રણ પર કુવૈતની મુલાકાતે છે.

વિદેશ મંત્રાલય (MEA)એ કહ્યું છે કે આ મુલાકાતથી ભારત અને કુવૈત વચ્ચેના દ્વિપક્ષીય સંબંધોના નવા અધ્યાયની શરૂઆત થવાની આશા છે. MEA અનુસાર, આ મુલાકાત દરમિયાન બંને દેશો વચ્ચે સંરક્ષણ, વેપાર અને અન્ય ક્ષેત્રોમાં ભાગીદારીને વધુ મજબૂત કરવા પર ચર્ચા થશે.

શનિવાર, 21 ડિસેમ્બર 2024

  • ગલ્ફ SPIC લેબર કેમ્પની મુલાકાત
  • શેખ સાદ અલ અબ્દુલ્લા ઇન્ડોર સ્પોર્ટ્સ કોમ્પ્લેક્સ ખાતે કોમ્યુનિટી ઈવેન્ટ
  • ગલ્ફ કપ (ફૂટબોલ)નો ઉદઘાટન સમારોહ

રવિવાર, 22 ડિસેમ્બર 2024

  • બયાન પેલેસ ખાતે ગાર્ડ ઓફ ઓનર
  • કુવૈતના અમીર સાથે મુલાકાત
  • કુવૈતના ક્રાઉન પ્રિન્સ સાથે મુલાકાત
  • કુવૈતના વડા પ્રધાન સાથેની મુલાકાત પછી એમઓયુ પર હસ્તાક્ષર
  • પ્રેસ બ્રીફિંગ.
  • દિલ્હી માટે પ્રસ્થાન
  • એરફોર્સ સ્ટેશન પાલમ, દિલ્હી ખાતે આગમન.