કોંગ્રેસે બે બેઠકો પર પોતાના ઉમેદવારોની જાહેરાત કરી, શુક્રવારે ઉમેદવારોની યાદી જાહેર કરતી વખતે રાયબરેલીથી રાહુલ ગાંધી અને અમેઠીથી કિશોરી લાલ શર્મા ચૂટણી લડશે
ઉત્તર પ્રદેશની બે બેઠકો અમેઠી અને રાયબરેલી કોંગ્રેસનો ગઢ છે ભારે સસ્પેન્સ બાદ જાહેરાત કરવામાં આવી
કોંગ્રેસ હાઈકમાન્ડે રાયબરેલી અને અમેઠી બેઠકો પર ચિત્ર સ્પષ્ટ કરી દીધું છે. રાહુલ ગાંધી રાયબરેલી બેઠક પરથી રાજકીય મેદાનમાં ઉતરશે, તેઓ આજે ઉમેદવારી નોંધાવશે.
કોંગ્રેસનું મોટું સસ્પેન્સ સમાપ્ત
દેશભરમાં લોકસભાની ચૂંટણી ચાલી રહી છે ત્યારે રાજકીય પક્ષોનો પ્રચાર તેજ થઈ ગયો છે. અમેઠી અને રાયબરેલીની હાઈ-પ્રોફાઈલ બેઠકો માટે નામાંકન દાખલ કરવાનો આજે છેલ્લો દિવસ છે જ્યાં ભાજપ ઉમેદવાર સ્મૃતિ ઈરાની અને દિનેશ પ્રતાપ સિંહને ચૂટણી મેદાનમાં ઉતાર્યા છે.
કોંગ્રેસે બે બેઠકો પર પોતાના ઉમેદવારોની જાહેરાત કરી છે. શુક્રવારે પોતાના ઉમેદવારોની યાદી જાહેર કરતી વખતે કોંગ્રેસે રાયબરેલીથી રાહુલ ગાંધી અને અમેઠીથી કિશોરી લાલ શર્માને મેદાનમાં ઉતાર્યા છે. ઉત્તર પ્રદેશની બે બેઠકો પર ભારે સસ્પેન્સ બાદ આ જાહેરાત કરવામાં આવી છે. અમેઠી અને રાયબરેલી બંને કોંગ્રેસનો ગઢ છે. રાહુલ ગાંધી 2019ની લોકસભા ચૂંટણી અમેઠીથી ભાજપના નેતા અને કેન્દ્રીય મંત્રી સ્મૃતિ ઈરાની સામે હારી ગયા.
નામાંકન વખતે માતા અને બહેન રહેશે હાજર
ઉત્તર પ્રદેશની અમેઠી અને રાયબરેલી લોકસભા સીટ પરથી કોંગ્રેસના ઉમેદવારો જાહેર કરવામાં આવ્યા છે. રાહુલ ગાંધી રાયબરેલીથી જ્યારે કિશોરી લાલ શર્મા અમેઠીથી ચૂંટણી લડશે. બંને ઉમેદવારો આજે ઉમેદવારી નોંધાવશે. રાહુલ ગાંધીના નામાંકન પર માતા સોનિયા ગાંધી અને બહેન પ્રિયંકા ગાંધી વાડ્રા પણ હાજર રહેશે.
રાહુલ ગાંધી અને કેએલ શર્મા બંને આજે ઉમેદવારી નોંધાવશે, જે છેલ્લો દિવસ છે. અમેઠી અને રાયબરેલીમાં સાત તબક્કાની પ્રક્રિયાના પાંચમા તબક્કામાં 20 મેના રોજ ચૂંટણી યોજાશે. સભાને સંબોધતા કોંગ્રેસે કહ્યું કે રાહુલ ગાંધીને રાયબરેલીથી અને કેએલ શર્માને અમેઠીમાંથી ઉતારવાનો નિર્ણય ‘કેન્દ્રીય ચૂંટણી સમિતિ’ની બેઠકમાં લેવામાં આવ્યો હતો.
કેએલ શર્મામાં સ્મૃતિ ઈરાનીનો સામનો કરશે
ચૂંટણીમાં કોંગ્રેસના વફાદાર કેએલ શર્મા અમેઠીમાં સ્મૃતિ ઈરાનીનો સામનો કરશે. દરમિયાન, રાહુલ ગાંધીના પ્રતિસ્પર્ધી દિનેશ પ્રતાપ સિંહ હશે, જેમને ગુરુવારે રાયબરેલીથી ભાજપના ઉમેદવાર જાહેર કરવામાં આવ્યા હતા. દિનેશ સિંહ 2019ની લોકસભાની ચૂંટણી કોંગ્રેસના પૂર્વ અધ્યક્ષ સોનિયા ગાંધી સામે હારી ગયા હતા.
અમેઠીથી કેએલ શર્માની ઉમેદવારી અંગે પત્રકારો સાથે વાત કરતા કોંગ્રેસ કાર્યકર યોગેન્દ્ર યાદવે તેમની જીતનો વિશ્વાસ વ્યક્ત કર્યો અને કહ્યું કે શર્મા ગાંધી પરિવારનો એક ભાગ છે. “કોઈ નિરાશા નથી. અમે અહીં (અમેઠી) ચોક્કસપણે જીતીશું. કેએલ શર્મા પણ હવે (ગાંધી) પરિવારનો એક ભાગ છે. તેમણે 30 થી 35 વર્ષ સુધી અમેઠીમાં ગાંધી પરિવાર માટે કામ કર્યું છે.
લાંબા સમયની અટકળો પર પૂર્ણવિરામ
ઘણા સમયથી અમેઠી અને રાયબરેલી લોકસભા સીટ માટે કોંગ્રેસના ઉમેદવારને લઈને ચર્ચાઓ ચાલી રહી હતી. હવે પાર્ટીએ પ્રેસ રિલીઝ જાહેર કરીને બંને સીટો પર સ્થિતિ સ્પષ્ટ કરી છે. રાહુલ ગાંધી રાયબરેલી બેઠક પરથી રાજકીય મેદાનમાં ઉતરશે, જ્યારે કિશોરીલાલ શર્મા અમેઠીથી ચૂંટણી લડશે. શર્માએ ગુરુવારથી જ અમેઠી લોકસભા સીટ માટે પોતાની ઉમેદવારીનો સંકેત આપી દીધો હતો. તેઓ લાંબા સમયથી સોનિયા ગાંધીના અંગત સચિવ રહ્યા છે. ગાંધી પરિવાર સાથે તેમનો જૂનો સંબંધ છે.
રાયબરેલી કાર્યાલયમાં તૈયારીઓ પૂર્ણ
કોંગ્રેસના નેતાઓ પાસેથી મળેલી માહિતી મુજબ ગૌરીગંજ સ્થિત કોંગ્રેસના કેન્દ્રીય કાર્યાલયમાં તૈયારીઓ ચાલી રહી છે. રાહુલ ગાંધીના પોસ્ટર પણ લગાવવામાં આવ્યા છે. નોમિનેશન દરમિયાન રોડ શોની મંજૂરી પણ વહીવટીતંત્ર પાસેથી લેવામાં આવી છે. રાહુલ ગાંધી 2004થી સતત ત્રણ વખત અમેઠીથી સાંસદ છે. તેઓ 2019માં બીજેપી નેતા સ્મૃતિ ઈરાની સામે ચૂંટણી હારી ગયા હતા. આ વખતે તેઓ રાયબરેલીથી ચૂંટણી લડવાના છે. રાહુલ ગાંધી સવારે 8.45 વાગ્યે દિલ્હીથી નીકળશે અને સવારે 10.30 વાગ્યે ફુરસતગંજ એરપોર્ટ પહોંચશે. અહીંથી તેઓ સીધા રાયબરેલી જશે. આ પછી બપોરે 12.15 થી 12.45 વચ્ચે નોમિનેશન કરવામાં આવશે.
