પશ્ચિમ બંગાળ: કેન્દ્રને તમામ લેણાં ચૂકવવા માટે સાત દિવસનું અલ્ટિમેટમ મમતા બેનર્જીએ આપ્યું

કેન્દ્રએ આ યોજનાઓના લેણાં ચૂકવ્યા નથી, PMAY, મનરેગા, રાષ્ટ્રીય આરોગ્ય મિશન, PM ગ્રામ સડક યોજના, સ્વચ્છ ભારત મિશન યોજના પૈસા આપવાના બાકી છે

પશ્ચિમ બંગાળના મુખ્યમંત્રી અને તૃણમૂલ કૉંગ્રેસ (TMC)ના વડા મમતા બેનર્જીએ શુક્રવારે કેન્દ્રને તમામ લેણાં ચૂકવવા માટે સાત દિવસનું ‘અલ્ટિમેટમ’ આપ્યું હતું અને કહ્યું હતું કે તેમાં નિષ્ફળ જવા પર પાર્ટી મોટા પાયે વિરોધ પ્રદર્શન કરશે. મમતા બેનર્જીએ 75માં ગણતંત્ર દિવસની ઉજવણીમાં રાજભવનમાં એક કાર્યક્રમ દરમિયાન આ ટિપ્પણી કરી હતી. “જો કેન્દ્ર સરકાર ભંડોળ આપશે નહીં, તો અમે (TMC) મોટા વિરોધ શરૂ કરીશું,” મુખ્યમંત્રીએ કહ્યું.

પશ્ચિમ બંગાળ સરકારના ડેટા અનુસાર, રાજ્યએ PMAY હેઠળ કેન્દ્રને રૂ. 9,330 કરોડ, મનરેગા હેઠળ રૂ. 6,900 કરોડ, રાષ્ટ્રીય આરોગ્ય મિશન હેઠળ રૂ. 830 કરોડ, PM ગ્રામ સડક યોજના હેઠળ રૂ. 770 કરોડ, સ્વચ્છ ભારત મિશન હેઠળ રૂ. 770 કરોડ આપવાના બાકી છે.

મધ્યાહન ભોજન હેઠળ રૂ. 175 કરોડ ઉપરાંત અન્ય યોજનાઓ માટે પણ બાકી રકમ છે. બેનર્જીએ 20 ડિસેમ્બરે વડા પ્રધાન નરેન્દ્ર મોદી સાથે મુલાકાત કરી હતી અને પેન્ડિંગ કેન્દ્રીય ભંડોળના મુદ્દા પર ચર્ચા કરી હતી. બેઠક બાદ બેનર્જીએ કહ્યું કે વડા પ્રધાને પ્રસ્તાવ મૂક્યો છે કે રાજ્ય અને કેન્દ્રના અધિકારીઓ સાથે બેસીને મુદ્દાઓને ઉકેલી શકે છે.

કેન્દ્ર સરકારેએ આ યોજનાઓના લેણાં ચૂકવ્યા નથી