ડ્રાઇવર દારૂ પિધેલી હાલતમાં ચલાવતો રહ્યો સ્કૂલ વાન
સ્કુલવાનમાં પોતાનાં બાળકોને સ્કૂલે મોકલતા વાલીઓ માટે ચોંકાવનારી ઘટના સામે આવી છે. પ્રાપ્ત વિગતો અનુસાર અમદાવાદનાં મણિનગર વિસ્તારમાં સ્કૂલ વાનનો અકસ્માત થયો છે. જેમાં ડ્રાઇવર દારૂ પિધેલી હાલતમાં સ્કૂલ વાન ચલાવી રહ્યો હતો તેવુ જાણવા મળી રહ્યું છે. મળીનગરમાં આવેલી નેલ્સન સ્કૂલનાં વિદ્યાર્થીઓ ભરેલી સ્કૂલ વાનનો અકસ્માત થતા લોકો દોડી આવ્યા હતા. પોલીસે સ્કૂલ વાન ચાલકની અટકાયત કરી છે અને ડ્રાઈવર સામે કાયદેસરની કાર્યવાહી હાથ ધરી છે. અકસ્માતના કારણે વાનનો આગળની સાઈડનો કાચ તૂટી ગયો હતો અને ગાડીમાં બેસેલા બાળકો પણ આ ઘટનાના કારણે શોકમાં આવી ગયા હતા. અકસ્માતની જાણ થતાં જ તુરંત ત્યાં લોકોની આસપાસ ભીડ પણ જામી ગઈ હતી અને પોલીસને પણ લોકોએ તુરંત જાણ કરીને બોલાવી લેતા તે પણ ઘટનાસ્થળે પહોંચી ગઈ હતી. આ ઘટનાના કારણે પોલીસે સ્કૂલવાનના ડ્રાઈવરની અટકાયત કરી હતી. સ્કૂલવાનનો ડ્રાઈવર દારૂ પીધેલી હાલતમાં નાના બાળકો ભરેલી વાન ચલાવતો હોવાનો વીડિયો વાઈરલ થયો છે. બાળકોથી ભરેલી વાનનો અકસ્માત એ કોઈ સામાન્ય ઘટના નથી. સદ્દનસીબે આમાં કોઈ જાનહાનિ થઈ નથી. વિદ્યાર્થીઓના માત-પિતા માટે આ ઘટના ચેતવણીરૂપ છે.
